السلام عليكم ورحمة الله وبركاته
اليوم موضوعي عن العيايز اللوليات ويدتيه الله يحفظها وحده منهن
وعندها فلسفة عجيبه في تفسير الأمور
والحين بجلب وياكم موسوعة يدتيه الفلسفيه:
1) الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و
البشاكير
2) أمراض الدم
لول العرب فيهم قمل يشرب الدم الخايس ومن إتنظفت العرب عفدت إبهم هالأعواق
إلي ما ريناها في ربنا لوليين(شفتو فايدة القمل).
3)الجن و المس
لول الدنيا فضا و الفرجان متباعده و كل فريج فيه كمن خيمه ينعدن عالصبوع.. والجن
سكون في الخلا لكن من يانا الخير زادو الأوادم و زادت البيوت وعدو على بقع
الجن..عاد الجن ما حصلو بقعه يسكنونها قامو و سكنو في الأوادم
4)رغوة الحمام
دخل اخويه الصغير الله يعزكم الحمام و ترس البانيو ماء و رغوه.. يوم دخلت يدتيه
الحمام و شافت الرغوه
قالت يالله بالستر بلاه مايكم وارم هههههه
5)البر و الموتر
يوم سرت ويا يدتيه العزبه يوم كنت صغيره غرز الموتر و الهندي ما عرف شو يسوي
نزلت أطالع السالفه.. جان أقول ليدتيه إنزلي شوفي الموتر .. لقيتها يالسه في
السيت الجدامي و تدز التابلون بريولها قلتلها شو تسوين؟ قالت: أدز الموتر عشان
يظهر ..
6) الفتين و الهزاب
تقول يدتيه لا تفتنون على الأوادم و إتهزبونهم لأن رب العالمين قال: الفتنه أشد من
القتل << هههههه
7)التقويم
اخوويه مركب تقوين وطاحت حبه منه جان يسير ويقول حق يدتيه يدوه جوفي طاحت
حبه
جان اتقوول يعلني فداك ماعليه بتكبر وبتنساه ولا برووحه بينقض لاتحاتي انته خخخخخ
فديت اميه العوده
ادعوو لها بالصحة وطولت العمر ^.^ ...
الثلاثاء مايو 27, 2008 10:35 am![+[ مديـرة المنتـدى ]+](https://2img.net/i/itest/ranks/stars/stars6.gif "+[ مديـرة المنتـدى ]+")
